बुलढाणा अहमदपूर बसला लक्झरीची मागुन धडक,एक ठार दोन जखमी

मेहकर ( गणेश राऊत ) [ अपघात बातमी ] बुलढाणा ते अहमदपूर एस.टी.बसला मागुन येणाऱ्या लक्झरी बसची धडक लागुन बसमधील एक महिला ठार तर दोन जण जखमी झाले आहेत# हा अपघात आज सकाळी सात चे दरम्यान मेहकर चिखली रस्त्यावर नांद्रा फाट्याजवळ झाला. बुलढाणा ते अहमदपूर जाणारी बस क्रमांक MH20BL2377 ही मेहकरला येत असता पाठीमागून येणाऱ्या लक्झरी बस क्रमांक AR209200 ची धडक एस.टी.बसला लागली. यात बस मधील अंजली गोपाल शर्मा(२६,चिखली, जि.बुलढाणा) ही महिला ठार तर बसमधील मुरलीधर नारायण इंगळे(६७,बुलढाणा) व लक्झरी मधील महादेव गोपाल उबाळे(४५,रिसोड,जि.वाशीम) हे जखमी झाले आहेत.मयत महिला या परभणी जात असल्याचे समजते. एस.टी.सहाय्यक कार्यशाळा अधिक्षक राहुल देशमाने, वाहतूक निरिक्षक समाधान जुमडे, लिपिक प्रविण तांगडे यांनी घटनास्थळी जाऊन पंचनामा केला व एस.टी.मधील मृतास दहा हजार तर जखमीस पाच हजार तातडीची मदत दिली.मेहकर पोलीस स्टेशनचे सहाय्यक फौजदार रमेश बाजड,हेड कॉन्स्टेबल शिवानंद केदार व कर्मचारी तात्काळ घटनास्थळी गेले व मदत केली. पुढील तपास सुरू आहे.