Gajanan Kate‘Atharva Agrotech’ in Khamgaon ‘MIDC’ suffered severe fire, loss of lakhs :खामगाव ‘एमआयडीसी’तील ‘अथर्व ॲग्रोटेक’ला भीषण आग, लाखोंची हानी
बुलढाणा: जिल्ह्यातील खामगाव येथील एमआयडीसी मधील अथर्व ॲग्रोटेक उद्योग प्रकल्पात आज शनिवारी अचानक आग लागली.
दैनिक विश्‍वजगत ः प्रतिनिधी
बुलढाणा: जिल्ह्यातील खामगाव येथील एमआयडीसी मधील अथर्व ॲग्रोटेक उद्योग प्रकल्पात आज शनिवारी अचानक आग लागली. कंपनीमध्ये सरकी असल्यामुळे आगीने पाहता पाहता रौद्र स्वरूप धारण केले. यात सुदैवाने प्राणहानी झाली नाही. मात्र लाखोंची हानी झाल्याचा प्राथमिक अंदाज आहे. घटनेची माहिती मिळताच खामगाव नगरपालिका चे अग्निशमन दल घटनास्थळी पोहोचले. आग जास्तच भडकल्याने नांदुरा,शेगाव येथील अग्निशमन दलाला पाचारण करण्यात आले होते. आग नेमकी कशामुळे लागली याचे कारण आणि नुकसानीचा तपशील कळू शकला नाही.
